Аб удзеле прадстаўніка Пасольства ў адкрыцці новых грузавых чыгуначных зносін па маршруце Ратэрдам – Масква
29.10.2021 г.28 кастрычніка 2021 г. у г.Ратэрдаме (Нідэрланды) саветнік па гандлёва-эканамічных пытаннях Пасольства Рэспублікі Беларусь у Нідэрландах Станіслаў Васілеўскі ўзяў удзел у цырымоніі ўрачыстага адкрыцця новых грузавых чыгуначных зносін па маршруце Ратэрдам – Масква.
У рамках мерапрыемства адбыўся круглы стол на тэму развіцця ўстойлівых мультымадальных шляхоў на аснове чыгуначнага калідора Заходняя Еўропа — Сярэдняя Азія. Прадстаўнік Пасольства Беларусі прэзентаваў лагістычную сістэму Беларусі і ўзяў удзел у абмеркаванні праблемных і перспектыўных пытанняў у частцы развіцця гэтага важнага трансгранічнага праекта.
У круглым стале ўзялі ўдзел прадстаўнікі пасольстваў Азербайджана, Арменіі, Казахстана, Расійскай Федэрацыі, порта Ратэрдама, нідэрландскіх лагістычных кампаній і СМІ.
Паводле даных беларускай статыстыкі, у студзені-верасні 2021 года аб'ём транзітных кантэйнерных перавозак у Беларусі павялічыўся ў 1,4 раза ў параўнанні з аналагічным перыядам 2020 года.