Гуманітарнае супрацоўніцтва
Нідэрландскія дабрачынныя няўрадавыя арганізацыі з'яўляюцца аднымі з найбольш актыўных замежных НДА, якія аказваюць Беларусі дапамогу ў пераадоленні наступстваў чарнобыльскай катастрофы.
Супрацоўніцтва ў гэтай галіне вядзецца па двух напрамках — непасрэднае аказанне гуманітарнай дапамогі і работа па аздараўленні непаўналетніх грамадзян Рэспублікі Беларусь у Нідэрландах.
Нідэрландскія НВА рэалізуюць праграмы аказання гуманітарнай дапамогі адукацыйным і медыцынскім установам Рэспублікі Беларусь, у першую чаргу, з рэгіёнаў, пацярпелых ад аварыі на Чарнобыльскай АЭС.
Дапамога аказваецца як у форме пералічэння грашовых сродкі, так і шляхам накіравання ў Беларусь гуманітарных грузаў і рэалізацыі гуманітарных праектаў у Беларусі. Гуманітарная дапамога (ложкі, школьныя дошкі, парты, адзенне і абутак, спартовае абсталяванне, кампутары, школьныя прыналежнасці, будматэрыялы і да т.п.) перадаецца ў сельскія школы, дамы-інтэрнаты і медыцынскія ўстановы.
Акрамя таго ў Беларусі рэалізуюцца ініцыятывы па вырошчванні для школьнікаў на прысядзібных (прышкольных) участках гародніны з галандскіх насення і па галандскіх тэхналогіях. Для кіраўніцтва праектамі прыцягваюцца кваліфікаваныя аграномы з Нідэрландаў.
Кіраўнік найбуйнейшай з іх «Stichting RuslandKinderhulp» Клаас Коопс, які з'яўляецца Ганаровым консулам Беларусі ў Хоогевеене (Нідэрланды), за актыўную мэтанакіраваную работу ў сферы аказання гуманітарнай дапамогі узнагароджаны адной з вышэйшых дзяржаўных узнагарод Беларусі — ордэнам Францыска Скарыны.
К.Коопс, нідэрландскія спонсары і валанцёры прынялі актыўны ўдзел у міжнародным праекце «Пансіянат Бараўляны». У Нідэрландах былі арганізаваны мерапрыемствы па зборы сродкаў для размяшчэння на тэрыторыі Рэспубліканскага навукова-практычнага цэнтра дзіцячай анкалогіі і гематалогіі юных пацыентаў з анкалагічнымі захворваннямі і іх бацькоў. На сабраныя за 100 000 еўра ў 2016 г. былі адчыненыя пяць мабільных домікаў, у якіх можа размясціцца 10 сем'яў.
Група студэнтаў з Мазырскага дзяржаўнага педагагічнага універсітэта ім. І.П. Шамякіна і Мазырскага дзяржаўнага абласнога ліцэя штогод праходзіць стажыроўку ў каледжы г.Алмело «Noordik School Almelo» пры садзейнічанні дабрачыннай арганізацыі «Stiching Kinderhulp Tsjernobylramp».
Гуманітарны праект ДУА «Санаторны яслі-сад № 189 г.Мінска» (.pdf, Eng.)
Спіс гуманітарных праектаў для партнёраў і донараў (рус./анг.)
